මෙවර ජනාධිපතිවරණයේ දී ජනතාව සිය ඡන්දය ලබාදිය යුත්තේ අභියෝග භාරගත හැකි කාර්ය ශුර පුද්ගලයෙකුට පමණක් බව ජනාධිපති අපේක්ෂක පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා මහතා පවසනවා.
සජිත් ප්රේමදාස විපක්ෂ නායකවරයා ජනාධිපතිවරණයෙන් ජයග්රහණය කළහොත් රටට යහපතක් නොවන බවට තමාගේ හෘද සාක්ෂිය සඳහන් කරන බවයි ඔහු පවසන්නේ.
නාවලපිටිය බස් නැවතුම්පලේ පැවති රැස්වීමකට එක්වෙමින් මන්ත්රීවරයා මේ බව සඳහන් කළා.
රට වැටුණු අවස්ථාවේදී බහුතරයක් නොමැතිව ආණ්ඩුව භාර ගැනීමට නොහැකි බවට සජිත් ප්රේමදාස ප්රකාශ කළ බවත් රටට නායකත්වය ලබාදීම සඳහා පෞර්ෂයක් සජිත් ප්රේමදාසට නොමැති බවත් සරත් ෆොන්සේකා වැඩිදුරටත් එහිදී පැවසුවා.
