රනිල් වික්රමසිංහ මහතාගෙන් පාලනය ගිලිහී ගියහොත් ලංකාව අනිවාර්යයෙන්ම යළිත් ගොඩ ගැනීමට නොහැකි ඇෆ්ඝනිස්තානයක් බවට පත්වන බව ප්රවාහන මහාමාර්ග සහ ජනමාධ්ය අමාත්ය බන්දුල ගුණවර්ධන මහතා පවසනවා.
අද (21) පාර්ලිමේන්තුවේදී ඔහු මේ බව කියා සිටියා.
මීට පෙර තෙල් ,ගෑස්, විදුලිය නැති වූයේ තාවකාලිකව බවත් නැවත එවැනි තත්ත්වයක් ඇති වුවහොත් සදාකාලිකවම තෙල් ගෑස් විදුලිය නැති රටක් නිර්මාණය වනු ඇති බවත් ඔහු සඳහන් කළා.
මෙම අවස්ථාව ගිලිහී ගියහොත් නැවත කිසි දිනක අවස්ථාවක් නොඑන බවත් බොරු පවසා සුරංගනා ලෝක මවන අයට රටේ ව්යසනයක් ඇති කිරීමට ඉඩ දීමට නොහැකි බවයි ඔහු පවසන්නේ.
රටේ ප්රජාතන්ත්රවාදය රැකීමට කොන්දක් තිබුණේ රනිල් වික්රමසිංහ නමැති නායකයාට පමණක් බව බන්දුල ගුණවර්ධන මහතා වැඩිදුරටත් කියා සිටියා.
