ජනාධිපති රනිල් වික්රමසිංහ මහතා පාක්ෂිකකරුවන් ප්රාණ ඇපකරුවන් බවට පත්කරමින් රට පරාජයට පත් කළ බව සමගි ජන බලවේගයේ ජනාධිපතිවරණ මෙහෙයුම් ප්රධානී සුජීව සේනසිංහ මහතා පවසනවා.
අද (19) නාවලපිටිය පැවති සමඟි ජන බලවේගයේ ජන රැලියක් අමතමින් ඔහු මේ බව කියා සිටියා.
රනිල් වික්රමසිංහ මහතා රාජපක්ෂලා වැනි සොරකමේ යෙදෙන පවුලක් බලයට ගෙනවිත් රට ඇපයට තිබූ බවයි ඔහු පවසන්නේ.
ජනාධිපතිවරයා තනි අතින් පක්ෂය විනාශ කළ බවත් ඔහු එහිදී කියා සිටියා.
එහිදී වැඩිදුරටත් අදහස් දැක් වූ සුජීව සේනසිංහ මහතා
“94 ඉඳලා රනිල් වික්රමසිංහ අපිව ප්රාණ ඇපකරුවන් බවට පත් කරලා, පක්ෂය කාලා, පක්ෂය වමාරලා, රනිල් තනි අතින් රටයි අපිවයි පරාජය කරා..රාජපක්ෂලා වගේ හොරකම් කරන පවුලක් බලයට ගෙනල්ලා ජැක් ගහලා ,තේ බීලා කෝපී කාලා රනිල් වික්රමසිංහ රට ඇපයට තිබ්බා.අවුරුදු තිහක් තනි අතින් පක්ෂය විනාශ කළා. 94, 2001 2005, 2010, 2015 පැරදී, 2020දිත් පැරදිලා…ඒක දුන්නේත් නෑ අපිට. සටන් කරලා අපි මේක ගත්තා මේ සැප්තැම්බර් මාසෙ 21 වෙනිදා වෙනකොට අනිවාර්යෙන්ම ලංකාවේ ලාබාලම දහවෙනි දක්ෂතම ජනාධිපතිවරයා බවට පත්වෙන්න ඔබතුමන්ලා සටන් කරනවා කියන පණිවිඩය අපි ඔබට කියනවා”
