හිටපු ජනාධිපති මෛත්රීපාල සිරිසේන මහතා සමගි ජන සන්ධානය හා එක්ව ඇතැයි පැවසෙන පුවත සාවද්ය බව සමගි ජන බලවේගයේ මාධ්ය ප්රකාශක එස්. එම්. මරික්කාර් මහතා පවසනවා.
සමගි ජන බලවේගය වෙනුවෙන් නිවේදනයක් නිකුත් කරමින් ඒ මහතා මේ බව සඳහන් කළා.
හිටපු ජනාධිපතිවරයා සමග සන්ධානගත වීමක් හෝ එවැනි සහායක් හෝ ලබාගැනීමට සමගි ජන සන්ධානයට අවශ්යතාවයක් නොමැති බවයි ඔහු පවසන්නේ.
එළැඹෙන ජනාධිපතිවරණයේ දී නියත පරාජය හමුවේ වියරු වැටී සිටින ආණ්ඩුවට හිතවාදී ප්රචාරක කණ්ඩායම් විසින් අසත්ය පුවත් නිර්මාණය කර, ජනමාධ්ය හා සමාජ මාධ්ය ඔස්සේ ප්රචාරය කරන වැඩපිළිවෙලක නිරත වන බව ද මරික්කාර් මහතා පෙන්වා දෙනවා.
මෙම මැතිවරණ කාලසීමාව තුළ සියලු පක්ෂයන්ට අභියෝගයක් වී ඇති සමගි ජන සන්ධානයේ අපේක්ෂක සජිත් ප්රේමදාස මහතාට එරෙහිව ආණ්ඩුව සහ ඔවුන් සමග ඩීල් දේශපාලනයේ නිරත සියලු අපේක්ෂකයින්ගේ මාධ්ය මෙහෙයුම් පිළිබඳ විමසිලිමත්ව බුද්ධියෙන් ග්රහණය කරගන්නා ලෙස සමගි ජන බලවේගය ජනතාවගෙන් ඉල්ලා සිටිනවා.
