ශ්රී ලංකාවේ නායකත්වය අනිවාර්යෙන්ම වෙනස් විය යුතු බව ජනාධිපතික අපේක්ෂක ඒ.එස්. පී. ලියනගේ මහතා පවසනවා.
ඔහු පවසන්නේ ජනතාව මෙවරද වරදගතහොත් දැඩි දුක්ඛිත තත්ත්වයකට පත්වීමට සිදුවන බවයි.
අද (15) නාමයෝජනා පත්ර ලබාදීමෙන් අනතුරුව ඒ මහතා මාධ්යට අදහස් දක්වමින් මේ බව කියා සිටියා.
ශ්රී ලංකාවේ ජනතාව වසර 75ක් දූෂිතයන්ට රැවටී සිටින බවත් මෙම මැතිවරණයේදී ආණ්ඩුවට දූෂිතයන් සියලුම දෙනා එකතු වී ඇති බවත් ඔහු සඳහන් කලා.
මෙවර අනුර කුමාර හෝ සජිත් ජයග්රහණය කරනු ඇති බවත් එම දෙපළගෙන් කවුරු ජයග්රහණය කලද ප්රශ්නයක් නොමැති බවත් ඔහු කියා සිටියා.
එමෙන්ම සිරිකොත පක්ෂ මූලස්ථානයට මුදල් වියදම් කළේ තමන් බවත් ඔහු එහිදී පැවසුවා.
එහිදී වැඩිදුරටත් අදහස් දැක්වූ ඒ.එස්. පී. ලියනගේ මහතා :
” නියත වශයෙන්ම පවතින රජය මාරු වෙනවා. මේ පාරත් අපි රැවටුනොත් ජීවිතේම ඉවරයි. ඒ නිසා ඒ ජරා වලට රට ආයේ පාරක් වට්ටන්න දෙන්න එපා. සජිත් ආවත් හොඳයි කියලා අපිට හිතෙනවා.
සිරිකොතට මිලියන ගනන් සල්ලි වියදම් කලේ මම. සමහර දවස්වලට ජනාධිපතිතුමා මට කෝල් කරලා කියනවා මිලියන දෙකක් ඕනේ පඩි ගෙවන්න සල්ලි නෑ කියලා බොරුනම් ඕවා නෑ කියන්න කියලා කියන්න”
