එදා පැවති ගෑස් සහ තෙල් පෝලිම් නැති කළේ ජනාධිපතිව රනිල් වික්රමසිංහ මහතා බවට ඔහු පවසන බව පාර්ලිමේන්ති මන්ත්රී විජිත හේරත් මහතා පවසනවා.
මන්ත්රීවරයා පවසන්නේ, මහබැංකු කොල්ලය සිද්ධ වුණේ නැතිනම් ගෑස් සහ ඉන්ධන පෝලිමක් ඇති වන්නේ නැති බවයි.
අද වන විට රනිල් වික්රමසිංහ මහතා සමග එකට එක්ව ඇත්තේ කප්පම්කාර සහ හොර මැරකම් කළ දේශපාලකයින් බවයි විහිත හේරත් මහතා පවසන්නේ.
ඔහු මේ බව කියා සිටියේ, ජාතික ජන බලවේගය සංවිධානය කළ තිහාරිය ප්රදේශයේ පැවති ජන හමුවක් අමතමින්.
එහිදී වැඩිදුරටත් අදහස් දැක්වූ විජිත හේරත් මහතා;
“අද රනිල් වික්රමසිංහ ඇවිල්ලා කියනවා ගෑස් පෝලිම් තෙල් පෝලිම් නැති කලේ උන්නැහැ ඇවිල්ලලු.මහ බැංකු කොල්ලය සිද්ධ වුණේ නැත්නම් ගෑස් පෝලිම් තෙල් පෝලිම් එන්නේ නෑ. බැසිල් රාජපක්ෂ මුදල් ඇමති කාලේ IMF හොර සාකච්ඡා පටන් ගත්තේ,ඔය පළවෙනි ගිවිසුම හොරෙන් ගැහුවේ එදා ගෝඨාභය රාජපක්ෂ පාර්ලිමේන්තුවේ මන්ත්රීවරුන්ට සාකච්ඡාවකට එන්න කිව්වා.රනිල් වික්රමසිංහත් තනි මන්ත්රීවරයා ගියා. ගිය වෙලවේ මතකද රනිල් වික්රමසිංහ බැසිල් රාජපක්ෂගෙන් ඇහුවා IMF එකත් එක්ක ගහපු ගිවිසුම කෝ,ඒක අපිට පෙන්නන්න කියලා.බැසිල් කිව්වා නෑ ඒක පෙන්නන්නේ නෑ කියලා. ඔයාට ඩ්රාෆ්ට් එකද ඕනී කියලා මුහුණටම ඇහුවා මතකද? එතකොට රනිල් හිටියේ මූණ ඇඹරිලා රතු වෙලා. ගෝඨාභය රාජපක්ෂට බලයට එනකොට මහජනතාවට දීපු පොරොන්දුව තමයි මහබැංකු කොල්ලකරුවන්ට දඩුවම් දෙනවා කියලා. නීතිය ක්රියාත්මක කරනවා කියලා.ඒ හොර තක්කඩියෝ ටික තමයි අද රනිල් එක්ක එකට එකතු වෙලා තියෙන්නේ. මහබැංකු හොරායි,සීනි හොරායි ,සූදුලූණූ හොරායි, කප්පම්කාරයෝ ඔක්කොම අද ඉන්නේ රනිල් එක්ක රනිල් වටේ එක ඔඩොක්කුවේ.”
