බ.ඉ. කොදෙව් දූපත් සමූහයේ පැවැත්වෙන ප්රධානම ෆ්රැන්චයිස් ක්රිකට් ලීගය වන කැරිබියානු ප්රිමියර් ලීගය (CPL) වෙනුවෙන් ක්රීඩාකිරීමේ අවස්ථාව ශ්රී ලංකා ක්රීඩකයින් දෙපළක් වන වනිඳු හසරංග සහ නුවන් තුෂාරට අහිමිවී ඇත.
මෙවර කැරිබියානු ප්රිමියර් ලීගය මේ මස අවසානයේදී ආරම්භවීමට නියමිතව ඇති අතර, එහිදී ඔවුන් දෙදෙනාම St Kitts & Nevis Patriots කණ්ඩායම වෙනුවෙන් ක්රීඩා කිරීමට නියමිතව තිබුණි.
කෙසේ නමුත් ඉන්දියාවට එරෙහිව අවසන්වූ එක්දින විස්සයි 20 තරගාවලියේදී මෙම ක්රීඩකයන් දෙදෙනාම ආබාධයන්ට ලක් වුණි.
ඉන් නුවන් තුෂාරට ඇඟිල්ලේ ආබාධයක් හේතුවෙන් සමස්ත තරගාවලියම අහිමි වූ අතර, හසරංගට එක්දින තරගාවලියේ දෙවැනි හා තෙවැනි තරග අහිමි විය.
ඒ අනුව හසරංග හා තුෂාර වෙනුවට දකුණු අප්රිකානු ක්රීඩක දෙපළක් වන Tabraiz Shamsi හා Anrich Nortje කැඳවීමට ශා. කිට්ස් කණ්ඩායමේ පාලනාධිකාරිය තීරණය කර ඇත.
ඔවුන් දෙදෙනාගෙන් ෂම්සි මීට පෙරද කැරිබියානු ප්රිමියර් ලීගය ක්රීඩාකර ඇති වුවත්, නොකියාගේ පළමු අද්දැකීම මෙය වනු ඇත.
