ශ්රී ලංකා මලල ක්රීඩක අරුණ දර්ශන මෙවර පැරිස් ඔලිම්පික් උළෙල සඳහා සුදුසුකම් ලබා තිබෙනවා.
එහිදී ඔහු පිරිමි මීටර් 400 ඉසව්ව නියෝජනය කරනු ඇති.
ඒ අනුව, මේ වන විට ප්රංශයේ පැරිස් නුවරදී මේ මස 26 වැනිදා සිට අගෝස්තු මස 11 වැනිදා දක්වා පැවැත්වෙන 33 වැනි ඔලිම්පික් ක්රීඩා උලෙළට ශ්රී ලංකාවෙන් ක්රීඩක ක්රීඩිකාවන් 6 දෙනෙක් සුදුසුකම් ලබා තිබෙනවා.
බැඩ්මින්ටන් ක්රීඩක විරේන් නෙත්තසිංහ ඔලිම්පික් උලෙළට සෘජු සුදුසුකම් ලබාගත් පළමු ක්රීඩකයා වන අතර, හෙල්ල විසිකිරීමේ ශූරී දිල්හානි ලේකම්ගේ හා මීටර් 800 කාන්තා ඉසව්වේ ශූරී තරුෂි කරුණාරත්න රෝඩ් ටු පැරිස් 24 ඔලිම්පික් සුදුසුකම් ලබා ගැනීමේ ලේඛනය අනුව ඔලිම්පික් ක්රීඩා උලෙළට සුදුසුකම් ලබා ගැනීමට සමත් වුණා.
මීට අමතරව පිහිනුම් ක්රීඩාවෙන් සෘජු සුදුසුකම් නොලැබූ රට වලට ලබා දෙන ‘ වයිල් කාඩ්’ අවස්ථාව යටතේ කයිල් අබේසිංහ සහ ගංගා සෙනවිරත්න පැරිස් ඔලිම්පික් උලෙළට සුදසුකම් ලබා ඇති බව සඳහන්.
