ලංකා විදුලිබල මණ්ඩලයේ සේවකයන් වෙනුවෙන් නව වැටුප් ව්යුහයක්, කාර්ය සාධනය පනදම් කරගත් දිරිදීමනා ක්රමයක් සහ උසස්වීම් ක්රමයක් හඳුන්වා දෙන බව විදුලිබල හා බලශක්ති අමාත්ය කාංචන විජේසේකර මහතා පවසනවා.
අමාත්යවරයා සඳහන් කළේ, විදුලිබල මණ්ඩලයට බඳවාගන්නා සේවක සංඛ්යාව අඩු කිරීම සඳහා දැනට පවතින සේවකයන් 26,000 ක සේවක ලැයිස්තුව සංශෝධන කරන බවයි.
ඔහු වැඩිදුරටත් සඳහන් කළේ, විදුලිබල මණ්ඩලයේ වෘත්තිය සමිති සමඟ කළ සාකච්ඡාවකදී මෙම තීරණයන්ට එළඹි බවත්, එහිදී විදුලිබල මණ්ඩලයේ ප්රතිසංස්කරණවල ව්යූහය, විවිධ කාර්යන් ක්රියාත්මක කිරීමේ කාලය, අනුප්රාප්තික සමාගම්වල පැමිණීම, සේවක කළමනාකරණය, වැටුප් ව්යූහය, ඉදිරි ප්රතිපත්ති සහ සෙසු කළමනාකරණ තීරණ පිළිබඳව වෘත්තීය සමිති නියෝජිතයන් සමඟ සාකච්ඡා කළ බවයි.
