දුම්වැටි භාවිතය හේතුවෙන් දෛනිකව මෙරට පුද්ගලයින් 50කට ආසන්න පිරිසක් මරණයට පත් වන බව මද්යසාර හා මත්ද්රව්ය තොරතුරු මධ්යස්ථානය පවසනවා.
එම මධ්යස්ථානය සඳහන් කරන්නේ, වසරකට පුද්ගලයින් 20,000ක් පමණ දුම්වැටි භාවිතයෙන් මරණයට පත් වන බවයි.
හෙටට (31) යෙදී ඇති ලෝක දුම්වැටි නිවාරණ දිනය සම්බන්ධයෙන් නිවේදනයක් නිකුත් කරමින් මද්යසාර සහ මත්ද්රව්ය තොරතුරු මධ්යස්ථානය මේ බව සඳහන් කර තිබෙනවා.
‘දුම්කොළ කර්මාන්තයේ මැදිහත්වීම්වලින් අපේ දරුවන් ආරක්ෂා කරගනිමු’ යන්න මෙවර ලෝක දුම්වැටි නිවාරණ දිනයේ තේමාවයි.
මද්යසාර හා මත්ද්රව්ය තොරතුරු මධ්යස්ථානය පවසන්නේ, මේ වන විට මෙරට දුම්වැටි භාවිතය 9.1%කින් අඩුවී ඇති අතර, තරුණ පිරිස් අතර දුම්වැටි භාවිතය ඝීග්රයෙන් අඩුවෙමින් පවතින බවයි.
දුම්කොළ සමාගම් වාර්තාවලට අනුව පසුගිය වසර තුළ දුම්වැටි නිෂ්පාදනය 19%කින් පමණ අඩුවී තිබෙනවා.
ලෝකයේ දුම්වැටි භාවිතය අඩුවෙමින් පවතින රටවල් අතර ශ්රී ලංකාව තුළද හොඳ ප්රවණාතාවක් පැවතුණද තවදුරටත් මිලියන 1.5ක පමණ පිරිසක් දුම්වැටි භාවිතය සිදුකරන බව මධ්යසාර හා මත්ද්රව්ය තොරතුරු මධ්යස්ථානය පෙන්වා දී තිබෙනවා.
පවතින තත්ත්වය හමුවේ තරුණයින් සහ ළමුන් දුම්වැටි භාවිතයට යොමුකරවීම සඳහා බහුජාතික දුම්කොළ සමාගම් කූට උපක්රම ගණනාවක් දියත් කරමින් සිටින බව සඳහන් වනවා.
මේ අතර, කොළඹ රිජ්වේ ආර්යා ළමා රෝහලේ ශ්වසන රෝග පිළිබඳ විශේෂඥ වෛද්ය චන්දන ද සිල්වා මහතා ප්රකාශ කළේ, පාසල් ළමුන් අතර දුම්වැටි භාවිතය සඳහා ඇබ්බැහිවීම ඉහළ යමින් පවතින බවයි.
