ජාතික ඖෂධ නියාමන අධිකාරියේ හිටපු ප්රධාන විධායක නිලධාරි වෛද්ය විජිත් ගුණසේකර අපරාධ පරීක්ෂණ දෙපාර්තමේන්තුව ඊයේ (මැයි 8) සවස අත්අඩංගුවට ගත්තේ ය.
වෛද්යවරයාට අපරාධ පරීක්ෂණ දෙපාර්තමේන්තුව විසින් කරන ලද දැනුම්දීමකට අනුව ඔහු ඊයේ පෙරවරුවේ එම දෙපාර්තමේන්තුව හමුවේ පෙනී සිටියේ ය.
දීර්ඝ ප්රශ්න කිරීමකින් පසු ඊයේ සවස ඔහු අත්අඩංගුවට ගෙන තිබේ.
ප්රමිතියෙන් තොර ඉමියුනොග්ලොබියුලින් එන්නත් සම්බන්ධයෙන් රහස් පොලිසිය ඒ මහතාගෙන් ප්රශ්න කර ඇතැයි වාර්තා විය.
සෞඛ්ය වෘත්තීය සමිති කිහිපයක්ම ඒ මහතාට එරෙහිව විවිධ චෝදනා නැගූ අතර පසුව ඔහු එම තනතුරින් පහකරනු ලැබීය.
ඒ, මෙම එන්නත් කුප්පි සම්බන්ධයෙන් විමර්ශන ආරම්භ වීමෙන් පසු ඊට අදාළ තොරතුරු විනාශ කළ බවටද වෘත්තීය සමිති මගින් ඔහුට එල්ල කළ චෝදනා අතර විය.
අපරාධ පරීක්ෂණ දෙපාර්තමේන්තුව සිද්ධිය සම්බන්ධයෙන් වැඩිදුර පරීක්ෂණ පවත්වයි.
Comments
