මාලදිවයින මහ මැතිවරණයේ ජය පාලක පක්ෂයට

මාලදිවයින් ඊයේ (21)  පැවති මහා මැතිවරණයෙන් කැපී පෙනෙන ජයග්‍රහණයක් අත්කරගැනීමට වත්මන් ජනාධිපති මොහොමඩ් මුයිසුගේ පක්ෂය සමත් වුණා.

ඒ අනුව, චීන හිතවාදී මුයිසුගේ මහජන ජාතික කොංග්‍රසය දැනටමත් දිනා ඇති ආසන ගණන 66ක්.

මැතිවරණය පැවැත්වුණේ පාර්ලිමේන්තුවේ ආසන 93ක් සඳහා මන්ත්‍රීවරුන් තෝරාපත් කරගැනීමේ අරමුණින්.

අපේක්ෂිකාවන් 42 දෙදෙනෙක් ඇතුළු අපේක්ෂකයින් 368 දෙනෙක් ඉදිරිපත්ව සිටියා.

මැතිවරණය සඳහා ඡන්දය භාවිතයට 280,000ක් පමණ පිරිසක් සිදුසුකම් ලබා ඇති බවයි සදහන් වන්නේ.