කුරුණෑගල ශික්ෂණ රෝහලෙන් කොවිඩ් ආසාදිත මරණයක් සිදුව ඇති බවට පුවතක් “ලංකාදීප” වාර්තා කරනවා.
කුරුණෑගල ශික්ෂණ රෝහලේ ප්රතිකාර ලබමින් සිටියදී මරණයට පත් රෝගියෙකු සම්බන්ධයෙන් ඇතිවූ සැකයක් මත කරන ලද PCR පරික්ෂාවකදී එම මරණයට හේතුව කොවිඩ් වෛරසය ආසාදනය වීම බව එහිදී අනාවරණයවී තිබෙනවා.
මේ හේතුවෙන් එම රෝගියා ප්රතිකාර ලැබූ වාට්ටුවේ රෝගීන් සහ කාර්ය මණ්ඩලය නිරෝධායනයට ලක් කිරීම සිදු යුතු බව රෝහල් ආරංචි මාර්ග පවසනවා.
රෝහල් ආරංචි මාර්ග සඳහන් කළේ, කොවිඩ් වසංගත තත්ත්වය නොසලකා හැර තිබෙන අවස්ථාවක මෙය නැවත අවධානයට ලක් විය යුතු බරපතළ කරුණක් වන බවයි.
මේ වනවිට කොවිඩ් වසංගත තත්ත්වය සාමාන්ය මට්ටමෙන් සලකා මරණයට පත් වන රෝගීන්ගේ මෘත දේහ ආදාහනයකට ලක් නොකර පවුලේ ඥාතීන් වෙත බාර දීම සිදුවන බවත් මෙය නැවත කොවිඩි වෛරසය රට තුළ පැතිර යාමට ඇති අවදානම් තත්ත්වයක් බවත් වැඩිදුරටත් වාර්තාවනවා.
