අතිවිශිෂ්ට මැතිවරණ ජයග්රහණයකින් රුසියානු ජනාධිපති ව්ලැඩිමීර් පුටින් සිය බලය යලිත් තහවුරු කර ගෙන තිබෙන බව විදෙස් මාධ්ය වාර්තා කරනවා.
රුසියාවේ මධ්යම මැතිවරණ කොමිසමට අනුව, ඔහුට 87%ක ඡන්ද ප්රතිශතයක් තිබූ අතර, 60%ක් පමණ මේ වනවිට ගණන් කර තිබෙන බවට වාර්තා වනවා.
එහි ප්රතිඵලය වන්නේ ව්ලැඩිමීර් පුටින්, ජෝසෆ් ස්ටාලින් අභිබවා ගොස් රුසියාවේ වැඩිම කාලයක් ජනාධිපති ධුරය හොබවන නායකයා බවට පත්වීමයි.
විදෙස් මාධ්ය වාර්තා කරන්නේ කොමියුනිස්ට් අපේක්ෂක නිකොලායි කරිටොනොව් 4%කට අඩු ප්රතිශතයකින් දෙවන ස්ථානයට පත් වූ අතර, නවක අපේක්ෂක ව්ලැඩිස්ලාව් ඩවන්කොව් තුන්වන ස්ථානයට සහ අන්ත ජාතිකවාදී ලියොනිඩ් ස්ලට්ස්කි සිව්වන ස්ථානයට පත් වූ බවයි.
ඡන්ද විමසීම අවසන් වන විට රටපුරා ඡන්දය ප්රකාශ කිරීම 74.22% ක් වූ බව මැතිවරණ නිලධාරීන් පවසනවා.
එය 2018 මට්ටම් වූ 67.5% ඉක්මවන බවයි වැඩිදුරටත් එම මාධ්ය වාර්තාවල සඳහන් වන්නේ.
2000 වසරේ සිට රුසියාවේ බලය හොබවන 71 හැවිරිදි ජනාධිපති පුටින් 2004, 2012 සහ 2018 වසරවලදී නැවත තේරී පත්වුණා.
ඒ වසර 4ක ධුර කාල දෙකක් සහ වසර 6ක ධුර කාල දෙකක් ලෙසින්.
