ලිට්‍රෝ ගෑස් සමාගමෙන් නිවේදනයක්.!

ලිට්‍රෝ ගෑස් සමාගම නිවේදනයක් නිකුත් කර ඇත.

ඒ අනුව ප්‍රමාණවත් පරිදි තොග සමාගම සතුව පවතින බවත් අනාගතයේදී කිසිදු ගෑස් හිඟයක් ඇති නොවන බවද ලිට්‍රෝ ගෑස් සමාගම සඳහන් කරයි.

එනිසා අනවශ්‍ය කලබලයක් ඇති නොකරගන්නා ලෙස ලිට්‍රෝ ගෑස් සමාගම ජනතාවට දැනුම් දෙයි.

පෙබරවාරි (17) සහ (18) යන දිනවල අපි දැනටමත් ගෘහස්ථ පිරවුම් සිලින්ඩර 284,000ක් නිකුත් කර ඇති බවද එම සමාගම සඳහන් කරයි.

(19) සිට සෙනසුරාදා දක්වා තවත් ගෘහස්ථ පිරවුම් සිලින්ඩර 351,000 ක් නිකුත් කිරීමට පියවර ගෙන ඇති බවද එම සමාගම සඳහන් කරයි.

අවශ්‍ය පරිදි ප්‍රමාණවත් තොග මේ වනවිටත් ඇණවුම් කර ඇති බවත් සැපයුම තවදුරටත් ස්ථාවර කිරීම සඳහා මෙම මාසය අවසන් වීමට පෙර ගෑස් නැව් තුනක් මෙරටට පැමිණීමට නියමිත බවද එම සමාගම සඳහන් කරයි.