වත්මන් ආණ්ඩුවේ දෙවන අයවැය හෙට (07) දිනයේදී පාර්ලිමේන්තුවට ඉදිරිපත් කිරීමට නියමිතව තිබියදී, ඊට මුහුණ දෙන ආකාරය සහ අයවැය විවාදයේදී අනුගමනය කළ යුතු ක්රියාමාර්ග පිළිබඳව සාකච්ඡා කිරීම සඳහා, විපක්ෂයේ සියලුම පාර්ලිමේන්තු මන්ත්රීවරුන් අද (06) විශේෂ වැඩමුළුවකට කැඳවා තිබේ.
සමගි ජන බලවේගයේ මහලේකම්, පාර්ලිමේන්තු මන්ත්රී රංජිත් මද්දුමබණ්ඩාර මහතා ප්රකාශ කළේ, මෙම වැඩමුළුව අද පස්වරු 2.00ට කොළඹදී පැවැත්වෙන බවයි.
මෙහිදී රටේ වත්මන් ආර්ථික තත්ත්වය, අයවැය යෝජනා සහ රටේ අනාගතය සම්බන්ධයෙන් විද්වතුන් කිහිප දෙනෙකු විසින් විපක්ෂ මන්ත්රීවරුන් දැනුවත් කිරීමට නියමිතය.
මෙම වැඩමුළුවේ ප්රධාන අරමුණ වන්නේ, පාර්ලිමේන්තුවේ පැවැත්වෙන අයවැය විවාදයට සාර්ථකව සහභාගී වීම සඳහා අවශ්ය වැදගත් කරුණු සහ දත්ත මගින් විපක්ෂ මන්ත්රීවරුන් සන්නද්ධ කිරීම බවද රංජිත් මද්දුමබණ්ඩාර මහතා වැඩිදුරටත් සඳහන් කළේය.
