ජනාධිපති අනුර කුමාර දිසානායක විසින් ජාතික තීරුබදු ප්රතිපත්තිය සංශෝධනය කිරීම සඳහා ඉදිරිපත් කළ යෝජනාවට අමාත්ය මණ්ඩල අනුමැතිය හිමිව ඇත.
ශ්රී ලංකාව තරගකාරී වෙළෙඳ සහ ආයෝජන කේන්ද්රස්ථානයක් ලෙස ස්ථාපිත කිරීම පිණිස විනිවිඳභාවය සහ පුරෝකථනය කළ හැකි තීරුබදු ක්රමයක් ක්රියාත්මක කිරීම ඉලක්ක කරගත් ජාතික තීරුබදු ප්රතිපත්තිය සඳහා 2024.06.11 දින පැවැති අමාත්ය මණ්ඩල රැස්වීමේදී අනුමැතිය ලබාදී ඇත.
රජයේ ප්රතිපත්ති සංශෝධනයන්ට අනුව, ඇතැම් බදු නීති සමඟ අනුකූලතාවය සහතික කිරීම සඳහා සහ අවිනිශ්චිතතා මග හැරවීම සඳහා ජාතික තීරුබදු ප්රතිපත්තියේ ඇතැම් විධිවිධාන සංශෝධනය කිරීමේ අවශ්යතාව ජාතික තීරුබදු ප්රතිපත්ති කමිටුව විසින් හඳුනා ගනු ලැබ ඇත.
ඒ අනුව හඳුනාගනු ලැබු සංශෝධනයන් මත පදනම්ව ජාතික තීරුබදු ප්රතිපත්තිය සංශෝධනය කිරීම පිණිස මුදල්, ක්රමසම්පාදන සහ ආර්ථික සංවර්ධන අමාත්යවරයා වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර ඇත.
