සැප්තැම්බර් 14 දින වන විට යම් අයෙකුට නිල ඡන්ද දැන්වීම් පත්රිකාව ලැබී නොමැතිනම් හැඳුනුම්පත සමග අදාළ තැපැල් කාර්යාලයට ගොස් සිය අනන්යතාවය තහවුරු කර තමාගේ නිල ඡන්ද දැන්වීම් පත්රිකාව ලබා ගත හැකි බව නියෝජ්ය තැපැල්පති රාජිත රණසිංහ මහතා පවසනවා.
මැතිවරණය පැවැත්වෙන දිනය තෙක් ඡන්ද දායකයින්ට එම අවස්ථාව හිමි වෙනවා.
ඔහු ඊයේ (10) සඳහන් කළේ මේ වන විට තැපැල් දෙපාර්තමේන්තුව විසින් නිල ඡන්ද දැන්වීම් පත්රිකා මිලියන 10කට අධික ප්රමාණයක් බෙදා හැර ඇති බවයි.
ඉතිරි නිල ඡන්ද දැන්වීම් පත්රිකා ඉදිරි දින කිහිපයේදී ඡන්ද දායකයින්ට බෙදා හැරීමට කටයුතු කරන බවද ඡන්ද දැන්වීම් පත්රිකා බෙදාහැරීමේ කටයුතු 14 වනදා වනවිට නිම කිරීමට තැපැල් දෙපාර්තමේන්තුව අපේක්ෂා කරන බවද රාජිත රණසිංහ මහතා තවදුරටත් සඳහන් කළා.
මේ අතර, නිල ඡන්ද පත්රිකාවලින් 80%ක් මේ වනවිට දිස්ත්රික් මැතිවරණ කාර්යාල වෙත යොමු කර ඇති බව මැතිවරණ කොමිෂන් සභාව පවසනවා.
මැතිවරණ කොමිසම සඳහන් කළේ, ඒවා විශේෂ ආරක්ෂාවක් යටතේ ගබඩා කර ඇති බවයි.
මේ සතිය අවසන් වනවිට නිල ඡන්ද ප්රතිකා මුද්රණය අවසන් කිරීමට සැලසුම් කර ඇති බව රාජ්ය මුද්රණාලය පෙන්වා දෙනවා.
2024 ජනාධිපතිවරණය සැප්තැම්බර් 21 වනදා පැවැත්වෙනවා.
මෙවර මෙම මැතිවරණය සඳහා ලියාපදිංචි ඡන්ද දායකයින් සංඛ්යාව මිලියන 17.44ක් බව මැතිවරණ කොමිසමේ දත්ත පෙන්වා දෙනවා.
