ප්‍රවීණ රංගන ශිල්පිනි රම්‍යා වනිගසේකර අභාවප්‍රාප්ත වෙයි

ප්‍රවීණ රංගන ශිල්පිනියක්, මාධ්‍යවේදිනියක් සහ නිවේදිකාවක් වූ රම්‍යා වනිගසේකර මහත්මිය අභාවප්‍රාප්ත වී තිබෙනවා.

මියයන විට ඇය 73 හැවිරිදි වියේ පසුවූවා .

ගුවන් විදුලි සංස්ථාවේ ප්‍රවීණතම ප්‍රවෘත්ති නිවේදිකාවක් වූ රම්‍යා වනිගසේකර මහත්මිය 1981 සිට 2006 වසරේ විශ්‍රාම යන තුරුම එහි සේවය කළ අතර ඇය එහි A ශ්‍රේණියේ නූර්ති ගායිකාවක ද වනවා.

පසුබිම් ගායිකාවක වශයෙන් මුලින්ම වේදිකා නාට්‍යවලට සම්බන්ධ වූ ඇය පසුව වේදිකා නිළියක් වූ අතර කැළණි පාලම වේදිකා නාට්‍යයේ රංගනය වෙනුවෙන් රාජ්‍ය සම්මානයට ද පාත්‍ර වූවා.

ටෙලිනාට්‍ය රැසකට ද ඇය රංගනයෙන් දායකත්වය ලබාදී තිබෙනවා.