මහජන ආරක්ෂක නියෝජ්ය අමාත්ය සුනිල් වටගල පැවසුවේ අපහාසයක් සිදු වූ බවට චෝදනා කරමින් පාර්ලිමේන්තු මන්ත්රී නාමල් රාජපක්ෂ විසින් රුපියල් බිලියනයක වන්දි ඉල්ලා ඉදිරිපත් කරන ලද එන්තරවාසියට ප්රතිචාර දක්වමින් පිළිතුරු ලිපියක් යැවූ බවයි.
නමුත් මේ වනවිට නඩු පවරා සිතාසි ලැබීමට ප්රමානවත් කාලයක් ඉක්මවා ගො ඇති නමුත් තමා වෙත සිතාසිය ලැබෙන තෙක් ඉතා නොඉවසිල්ලෙන් බලා සිටින බවත් ඔහු සඳහන් කළේය.
නාමල් රාජපක්ෂ මහතා නඩු පැවරීමෙන් පසු එම නඩුව තුළ හරස් ඉල්ලීමක් කරමින් බිලියන 2ක වන්දියක් ඉල්ලා නඩු පවරන බවද වටගල මහතා පැවසීය.
අපහාස නඩු තමාගේ විශය බවත් තමාට ඒ පිළිබඳ වසර 26ක අද්දැකීම් ඇති බවත් පැවසූ නියෝජය අමාත්යවරයා වැඩිදුරටත් පැවසූවේ අපහාස නඩුවක පැමිණිලිකරු ශුද්ධ චරිතයක් විය යුතු බවද අවධාරණය කළේය.
නාමල් රාජපක්ෂ යනු මේ වනවිට අධිචෝදනා ලබා සිටින පුද්ගලයෙකු බවද අමාත්යවරයා වැඩිදුරටත් සඳහන් කළේය.
