සිංහල දෙමළ අලුත් අවුරුදු සමය වෙනුවෙන් වූ විශේෂ බස් රථ සේවාව අද (05) සිට ක්රියාත්මක කරන බව ලංකා ගමනාගමන මණ්ඩලය පවසනවා.
එම මණ්ඩලය සඳහන් කළේ, උත්සව සමයේ කොළඹ සහ අවට ප්රදේශවල සිටින ජනතාවට ගම්බිම් බලායෑම සඳහා මෙම බස් රථ සේවාව ක්රියාත්මක වන අතර ඒ සඳහා අමතර බස් රථ 200ක් පමණ ධාවනයට යොදවන බවයි.
ඒ අනුව, කොළඹ සිට දිවයිනේ සෑම ප්රදේශයකටම මෙම බස් රථ සේවාව ක්රියාත්මක වීමට නියමිතයි.
මේ අතර උත්සව සමය වෙනුවෙන් ක්රියාත්මක විශේෂ දුම්රිය සේවාව ද ලබන 10 වනදා සිට ක්රියාත්මක බව දුම්රිය දෙපාර්තමේන්තුව පවසනවා.
එම සේවාව යටතේ දෛනිකව විශේෂ දුම්රිය ගමන්වාර 12ක් පමණ යෙදවීමට තීරණය කර ඇති බව එම දෙපාර්තමේන්තුව සඳහන් කරනවා.
ඒ අනුව, ලබන 15 වනදා දක්වා මෙම විශේෂ දුම්රිය සේවාව ක්රියාත්මක වීමට නියමිතව තිබෙනවා.
