ස්වාධීන ජනාධිපති ධුර අපේක්ෂක ජනාධිපති රනිල් වික්රමසිංහගේ ප්රධානත්වයෙන් මහරගම ජාතික තරුණ සේවා සභාවේදී පසුගිය 30 වනදා පැවැති “පුළුවන් ශ්රී ලංකා” ජාතික තරුණ සමුළුවේදී මැතිවරණ නීති උල්ලංඝණය වීමක් සිදුව ඇති බව මැතිවරණ කොමිෂන් සභාව පවසනවා.
එම කොමිසම පැවසුවේ, මෙම සිද්ධිය සම්බන්ධයෙන් ඉදිරි නීතිමය පියවර ගැනීම සඳහා මහරගම පොලිසිය වෙත පැමිණිල්ල ද ඉදිරිපත් කළ බවයි.
ඒ අනුව, මෙහිදී මැතිවරණ නීති උල්ලංඝණය වීමක් සම්බන්ධයෙන් මැතිවරණ කොමිෂන් සභාවේ කොළඹ දිස්ත්රික් මැතිවරණ ආරවුල් නිරාකරණ මධ්යස්ථානය නීතිමය පියවර ගැනීමට කටයුතු කර තිබෙනවා.
අදාළ සමුළුවට දිවයින පුරා යෞවන සමාජවල තරුණ තරුණියන් සහ නිලධාරින් සහභාගි වූ අතර, ඔවුන්ට සූදානම් කර තිබූ දිවා ආහාරය ලබා දීම තහනම් කිරීමට මැතිවරණ නිලධාරීන් මැදිහත් වී පියවර ගෙන තිබුණා.
කොළඹ දිස්ත්රික් මැතිවරණ ආරවුල් නිරාකරණ මධ්යස්ථානය සදහන් කර ඇත්තේ,ජාතික තරුණ සේවා සභාවේ සභාපතිවරයා එහිදී මැතිවරණ නීති උල්ලංගණය වන අන්දමින් අදහස් පළ කර ඇති බවයි.
මැතිවරණ කොමිසම වැඩිදුරටත් සදහන් කළේ, එහිදී රාජ්ය දේපළ භාවිතා කරමින් තරුණ සේවා සභාවේ නර්තන කණ්ඩාමය ද සමුළුවට යොදා ගෙන මැතිවරණ නීති උල්ලංඝනය කර ඇති බවයි.
