හිටපු පොලිස්පති දේශබන්දු තෙන්නකෝන් ඇතුළු සැකකරුවන් 08 දෙනෙකු අත්අඩංගුවට ගෙන අධිකරණයට ඉදිරිපත් කරන ලෙස මාතර මහේස්ත්රාත් අධිකරණය පසුගියදා නියෝග කරනු ලැබීය. දේශබන්දු තෙන්නකෝන් මහතාට විදේශගතවීම වළක්වාලමින් මාතර මහෙස්ත්රාත් අධිකරණය විසින් විදෙස් ගමන් තහනමක් ද මේ වන විට පනවා තිබේ.
මෙම නියෝගය නිකුත් කර ඇත්තේ අපරාධ පරීක්ෂණ දෙපාර්තමේන්තුවේ නිලධාරීන් විසින් අධිකරණයෙන් කළ ඉල්ලීමකට අනුවය.
විමර්ශන නිලධාරීන් දේශබන්දු තෙන්නකෝන් මහතා සොයා ඔහුගේ හෝකන්දර නිවස සහ ගිරිඋල්ල නිවස පරික්ෂා කළද ඔහු එම නිවාසවල රැඳී සිට නැත.
මේ වනවිට වාර්තා වන්නේ ඔහු අත්අඩංගුවට ගැනිමේ නියෝගය නිකුත් වීමෙන් පසු සැඟවී ඇති බවය.
ඒ, 2023 දෙසැම්බර් 31 වනදා මාතර වැලිගම පැලෑන ප්රදේශයේ W 15 හෝටලය ඉදිරිපිට සිදුවූ වෙඩිතැබීමේ සිදුවීමකට අදාළවයි.
මේ සම්බන්ධයෙන් 6314 / 23 නඩු අංකය යටතේ සිදුකෙරෙන නීතිමය කටයුත්තට අදාළව මනුෂ්ය ඝාතනයක් සඳහා කුමන්ත්රණය කිරීමේ චෝදනාව යටතේ හිටපු පොලිස්පති දේශබන්දු තෙන්නකෝන්, කොළඹ අපරාධ කොට්ඨාසයේ ස්ථානාධිපති ඇන්ස්ලම් ද සිල්වා ඇතුළු සැකකරුවන් 08 දෙනෙකු මෙසේ අත්අඩංගුවට ගෙන අධිකරණයට ඉදිරිපත් කරන ලෙසයි නියෝග කර ඇත.
