මෝදි දිනයි

ඉන්දීය මහමැතිවරණයෙන් අග්‍රාමාත්‍ය නරේන්ද්‍ර මෝදිගේ සන්ධානය (NDA) ජයග්‍රහණය කර තිබෙනවා.
භාරතීය ජනතා පක්ෂයේ මූලස්ථානයේ සිට ජනතාව ඇමතූ ඉන්දීය අග්‍රාමාත්‍යවරයා සිය ජයග්‍රහණය වෙනුවෙන් පාක්ෂිකයින්ට ස්තූතිය පුද කර තිබුණා.
අගමැති මෝදිගේ භාරතීය ජනතා පක්ෂය ප්‍රමුඛ සන්ධානය මේ වන විට ආසන 300කට ආසන්න ප්‍රමාණයකින් මැතිවරණ ප්‍රතිඵල අතර ඉදිරියෙන් සිටින අතර විපක්ෂය වන ඉන්දීය කොංග්‍රසය ප්‍රමුඛ ඉන්ඩියා සන්ධානය ආසන 230කින් පමණ ඉදිරියෙන් සිටිනවා.
කෙසේවෙතත්, ඉන්දීය මහ මැතවරණයේ අවසන් ප්‍රතිඵලය තවමත් නිල වශයෙන් නිකුත් වී නැහැ.
මන්ත්‍රීවරුන් 543කින් සමන්විත ලෝක් සභා පාර්ලිමේන්තුවේ ආසන 272කට වඩා වැඩි ප්‍රමාණයක් දිනාගන්නා පක්ෂයකට හෝ සන්ධානයකට ආණ්ඩුව පිහිටුවීමට හැකියාව ලැබෙනවා.
මේ අතර, අද පස්වරුවේ භාරතීය ජනතා පක්ෂයේ මූලස්ථානයේ සිට ජනතාව ඇමතූ ඉන්දීය අග්‍රාමාත්‍ය මෝදි පවසා ඇත්තේ තෙවැනි වරටත් ඉන්දියාව වෙනුවෙන් සේවය කිරීමට ජනතාව තමාට අවස්ථාව ලබා දී ඇති බවයි.
ඉන්දියාවේ අනාගතය වෙනුවෙන් බොහෝ තීරණ ගත යුතුව ඇති බවද සිය ජයග්‍රහණය තහවුරු කරමින් නරේන්ද්‍ර මෝදී සඳහන් කර තිබෙනවා.