දේශීයව නිෂ්පාදනය කරන ලද නැවත භාවිතා කළ හැකි ප්ලාස්ටික් බෝතල්, පානීය ද්රව ආවරණ සහ පොලිමර් ද්රව්යවලින් සාදන ලද බෝතල් නියාමනය කිරීම සඳහා පාරිභෝගික කටයුතු අධිකාරිය විසින් ගැසට් නිවේදනයක් නිකුත් කර තිබේ.
මෙම ගැසට් නිවේදනයට අනුව, ශ්රී ලංකා ප්රමිති ආයතනය (SLSI) විසින් නිකුත් කරන SLS නිෂ්පාදන සහතික කිරීමේ සලකුණ මෙම නිෂ්පාදන සඳහා අනිවාර්ය කර ඇත.
මෙම නීතිය නිෂ්පාදකයන්, ඇසුරුම්කරුවන්, බෙදාහරින්නන්, ප්රවාහනය කරන්නන්, ගබඩා හිමියන් සහ වෙළඳුන් ඇතුළු සියලුම අදාළ පාර්ශවයන්ට බලපායි. SLS සහතිකය නොමැතිව මෙම නිෂ්පාදන තොග හෝ සිල්ලර වශයෙන් නිෂ්පාදනය, ඇසුරුම් කිරීම, බෙදාහැරීම, ප්රවාහනය, ගබඩා කිරීම, විකිණීම හෝ ප්රදර්ශනය කිරීම තහනම්.
මෙම ගැසට් නිවේදනය 2026 අප්රේල් 01 වැනිදා සිට ක්රියාත්මක වේ.
නිෂ්පාදකයන් හා වෙළඳුන් මේ සඳහා කල්තියා සූදානම් වීමට ශ්රී ලංකා ප්රමිති ආයතනය සමඟ සම්බන්ධ වී SLS සහතිකය ලබා ගැනීමට පියවර ගත යුතුය. වැඩිදුර තොරතුරු සඳහා පාරිභෝගික කටයුතු අධිකාරියේ හෝ ශ්රී ලංකා ප්රමිති ආයතනයේ නිල වෙබ් අඩවි බලන්න.
