අතුරුගිරියේ වෙඩිතැබීමට පැමිණි බවට සැක කෙරෙන මෝටර් රථය කඩුවෙල, කොරතොට ප්රදේශයේ දමා ගොස් තිබිය දී සොයා ගෙන තිබෙනවා.
අද (08) උදැසන 10ට පමණ මෙම වෙඩිතැබීම සිදුකර තිබුණේ, අතුරුගිරිය නගරයේ ඔරලෝසු කනුව ආසන්නයේ රූපලාවන්ය ආයතනයක් විවෘත කිරීමේ උත්සවයක් අතරතුරදීයි.
වෙඩිතැබීමෙන් ප්රසිද්ධ ව්යාපාරිකයෙකු වන 55 හැවිරිදි සුරේන්ද්ර වසන්ත පෙරේරා නොහොත් ක්ලබ් වසන්ත සහ 38 හැවිරිදි අයෙක් ජීවිතක්ෂයට පත්වුණා.
මොවුන් කොළඹ 07 සහ අතුරුගිරිය යන ප්රදේශවල පදිංචිකරුවන් බව පොලීසිය සඳහන් කරනවා.
වෙඩිතැබීමෙන් ප්රසිද්ධ ගායන ශිල්පිනියක් වන කේ සූජීවා ද තුවාල ලැබූ අතර තවත් කාන්තාවන් දෙදෙනෙකු සහ පිරිමි පුද්ගලයෙකු තුවාල ලබා තිබෙනවා.
තුවාල ලැබූ කාන්තාවක් සහ පිරිමි පුද්ගලයෙකු කොළඹ ජාතික රෝහලේ ප්රතිකාර ලබන අතර අනෙක් කාන්තාවන් දෙදනො හෝමාගම රෝහලේ ප්රතිකාර ලබනවා.
වෙඩික්කරුවන් මෝටර් රථයකින් පැමිණ ඇති බවට හා වෙඩිතැබීමට ටී 56 ගිනිඅවි දෙකක් භාවිත කර ඇති බව පොලීස් විමර්ශනවලදී අනාවරණය වුණා.
