නීති විරෝධී ලෙස කොටස් එකලස් කරන ලද යතුරුපැදි, ව්යාජ ලිපි ලේඛන සකසා අලෙවි කළ ස්ථාන තුනක් පානදුර වලාන දූෂණ මර්ධන ඒකකය විසින් වටලා තිබෙනවා.
පොලිසිය සඳහන් කළේ ඊයේ (25) දින සිදුකළ මෙම වැටලීමේ දී රුපියල් කෝටි දෙකකට ආසන්න වටිනාකමකින් යුත් 48CC සහ මොවෑඩ් වර්ගයේ යතුරුපැදි 41ක් අත්අඩංගුවට ගත බවයි.
කුරුණෑගල, වාරියපොළ සහ මාස්පොත යන ප්රදේශ කේන්ද්ර කරගනිමින් මෙම ජාවාරම සිදුකරගෙන ගොස් තිබු බවට වාර්තා වුණා.
මෙම යතුරුපැදි කුරුණෑගල ප්රදේශයේ වාහන අමතර කොටස් ආනයනය කරනු ලබන ව්යාපාරිකයෙකු විසින් යතුරුපැදි අමතර කොටස් ලෙස ගෙන්වා මෙරට දී එකලස් කර මෙම අලෙවි මධ්යස්ථාන වෙත විකුණා තිබෙනවා.
ඒවායේ ගැනුම්කරුවන් පවසන්නේ මෙම ආයතන වලින් මිල දී ගත් යතුරුපැදි ලියාපදිංචිකර ගැනීමට නොහැකි බවයි .
ජාවාරම සම්බන්ධයෙන් වාරියපොළ සහ කුරුණෑගල පොලිස් ස්ථාන විසින් වැඩිදුර විමර්ශන සිදුකරණු ලබනවා.
