හැටන් කොළඹ ප්රධාන මාර්ගයේ වටවල කුයිල්වත්ත ප්රදේශයේ අලුතින් විවෘත කිරිමට ලබා දි ඇති මත්පැන් අලෙවි බලපත්රය අවලංගු කිරිමට බළධාරීන් පියවර නොගතහොත් වටවල ප්රදේශයේ කිසිදු ජන්ද දායකයකු ජනාධිපතිවරණයේදි කිසිදු අපෙක්ෂකයකුට ජන්දය භාවිතා කිරිමෙන් වැලකි සිටින බව මත්පැන් අලෙවිසල විවෘත කිරිමට එරෙහිව උද්ඝෝෂණයේ නිරත වු වතු කම්කරුවෝ පිරිසක් පවසනවා.
වටවල කුයිල්වත්ත ප්රදේශයට අලුතින් මත්පැන් අලෙවිසලක් විවෘත කිරිමට රජය මගින් නව මත්පැන් බලපත්රයක් ලබාදිමට එරෙහිව වතු කම්කරුවන්, ප්රදේශවාසින් සහ පාසල් ළමුන් පිරිසක් පසුගිය දින කිහිපය පුරාම එම මත්පැන් අලෙවිසල විවෘත කිරිමට නියමිත ස්ථානය ඉදිරිපිට උද්ඝෝෂණවල නිරත වුණා.
උද්ඝෝෂණයේ නිරත වු වතු කම්කරුවන් කියා සිටියේ තමුන්ට රජයෙන් වැඩිකල රු 1700 වැටුප මෙතෙක් ලබාදිමට රජය කටයුතු නොකර සිටියදි, දැනට දෛනිකව ලබා ගන්නා රු 1000 වැටුපෙන් ජිවත් විමට පවා නොහැකිව ඇති පසුබිමක අලුතින් මත්පැන් අලෙවිසලක් විවෘත කලහොත් තමන් තවත් ආර්ථික වශයෙන් පහතට වැටෙන බවයි.
තවද වටවල සිට හැටන් දක්වා කිලෝමිටර් පහක් තුල මත්පැන් අලෙවිසැල් හතරක් ඇති බවත්, වතුකරයට මෙපමණ මත්පැන් අලෙවිසැල් විවෘත කිරීමනෙ රජය අපෙක්ෂා කරන්නේ වතු කම්කරු ආර්ථික වශයෙන් තවදුරටත් පහළ දැමීමට බවත් උද්ඝෝෂකයන් කියා සිටිනවා.
මේ අතර, උද්ඝෝෂකයන් හමුවට පැමිණි දමිල ප්රගතිශීලී සන්ධානයේ නියෝජ්ය නායක පාර්ලිමේන්තු මන්ත්රී වී.රාධාක්රිෂ්ණන් මහතා පවසා ඇත්තේ වටවල කුයිල්වත්ත ප්රදේශයේ අලුතින් විවෘත කිරිමට සැලසුම් කර ඇති මත්පැන් අලෙවිසැලට මහජන විරෝධයක් මතුව ඇති නිසා එම මත්පැන් අලෙවිසැලට ලබා දි ඇති බලපත්රය අවලංගු කිරිමට අවශ්ය පියවර ගන්නා ලෙස නුවරඑලිය දිස්ත්රික් ලේකම්වරයාට උපදෙස් ලබා දී ඇති බවයි.
