හැකි ඉක්මනින් මැතිවරණය ප්රකාශයට පත් කර මැතිවරණය පවත්වා අවසන් කරන ලෙස ඉල්ලා සිටීම සදහා, එජාප මහලේකම් පාලිත රංගේ බණ්ඩාර සහ එම පක්ෂයේ සභාපති වජිර අබේවර්ධන මැතිවරණ කොමිසමෙන් ඉල්ලා සිටියි.
එම ඉල්ලීම ඉදිරිපත් කිරීම සදහා ඔවුන් දෙදෙනා මීට සුළු මොහොතකට පෙර මැතිවරණ කොමසාරිස් කාර්යාලය වෙත පැමිණියේ ය.
ඡන්දය වසරකින් කල් දමන්නට උත්සාහ කරමින් සිටි පක්ෂයක්, කඩිමුඩියේ ම පැමිණ, වහා මැතිවරණය පවත්වන්න යැයි ඉල්ලා සිටින්නේ ඇයිදැයි මාධ්යවේදියෙකු විමසූ විට, එජාප මහලේකම්වරයා පවසා සිටියේ, ඡන්දය කල්දමන්නයි කරන ඉල්ලීම් පිටුපස ඇත්තේ ජාතික ජන බලවේගය සහ සමගි ජනබලවේගය බවයි.
එම පක්ෂ, ජනාධිපතිවරණයෙන් පරාජය වන බව ස්ථිර වශයෙන්ම දන්නා බැවින් ඔවුන් මෙම මැතිවරණය කල් දමා ගැනීමට කුමන්ත්රණය කරමින් සිටින බව ඔහු වැඩිදුරටත් පැවසී ය.
