මුදල්, ආර්ථික සංවර්ධන, ප්රතිපත්ති සම්පාදන, සැලසුම් සහ සංචාරක අමාත්යාංශයේ නව ලේකම්වරයා ලෙස පත් වූ කේ. එම්. මහින්ද සිරිවර්ධන මහතා අද (25) සිය ධුරයේ යළි වැඩ භාර ගනු ලැබුවා.
භාණ්ඩාගාර නියෝජ්ය ලේකම්වරු සහ මුදල් අමාත්යාංශය යටතේ වන දෙපාර්තමේන්තුවල ප්රධානීන් ඇතුළු ජ්යෙෂ්ඨ නිලධාරීන් මෙම අවස්ථාවට එක්ව සිටියා.
ජාත්යන්තර මූල්ය අරමුදලේ විස්තීරණ ණය පහසුකම ලබාගැනීම සහ මෙරට ණය ප්රතිව්යුහගතරණ ක්රියාවලිය සාර්ථක කර ගැනීම සඳහා සුවිශේෂී දායකවත්යක් දැක් වූ ඒ මහතා ජාත්යන්තර මූල්ය අරමුදලේ ශ්රී ලංකාව, ඉන්දියාව, බංග්ලාදේශය සහ භූතානය සඳහා විකල්ප විධායක අධ්යක්ෂ ලෙස කටයුතු කර තිබෙනවා.
අමෙරිකා එක්සත් ජනපදයේ වැන්ඩබිල්ට් විශ්වවිද්යාලයෙන් ආර්ථික විද්යාව පිළිබඳ ශාස්ත්රපති උපාධියක් සහ ආර්ථික සංවර්ධනය පිළිබඳ පශ්චාත් උපාධි ඩිප්ලෝමාවක් ලබාගෙන ඇති අතර කැලණිය විශ්වවිද්යාලයෙන් ආර්ථික විද්යාව පිළිබඳ ශාස්ත්රවේදී විශේෂ උපාධියක් ලබා තිබෙනවා.
මහින්ද සිරිවර්ධන මහතා සාර්ව ආර්ථික කළමනාකරණය, සාර්ව ආර්ථික පුරෝකථනය, මුදල් ප්රතිපත්තිය, මහ බැංකුකරණය, රාජ්ය මූල්ය කළමනාකරණය, රාජ්ය ණය කළමනාකරණය හා මූල්ය වැඩසටහන්කරණය සහ ප්රතිපත්ති යනාදී ක්ෂේත්රයන්හි ජාත්යන්තර පුහුණුකරණ වැඩසටහන් ගණනාවකට සහභාගී වී ඇති ජ්යෙෂ්ඨ නිලධාරියෙක්.
