පාස්කු ඉරුදින ප්රහාරය සම්බන්ධයෙන් පමණක් විවාද 11ක් පසුගිය වසර තුන ඇතුලත පාර්ලිමේන්තුවේදී රැස්වී පවත්වා තිබෙනවා.
ඉහත සඳහන් කළ විවාදයක් සඳහා රැස්වූ දින 11 වෙනුවෙන් රුපියල් දහතුන් කෝටි විසි ලක්ෂයක පමණ මුදලක් වැය කර ඇති බවත් සඳහන්.
එමෙන්ම එකම කරුණ සම්බන්ධයෙන් වැඩිම විවාද සංඛ්යාවත් පැවැත්වූ මෙරට පාර්ලිමේන්තු ඉතිහාසයේ පළමු අවස්ථාවද මෙය බවයි වාර්තා වන්නේ.
එම විවාදයන් 2019 වසරේ මැයි 7, 8, 10 සහ 2021 වසරේ මාර්තු 10,25,26 දිනවල මෙන්ම එම වසරේ අප්රේල් 7,8,9 යන දිනයන් මෙන්ම පසුගිය 2023 වසරේ සැප්තැම්බර් 21 සහ 22 යන දිනයන්වලදී පවත්වා තිබෙනවා.
එමෙන්ම පාස්කු ප්රහාරය සම්බන්ධයෙන් තවත් දින තුනක විවාදයක් මෙම වසරේ අප්රේල් 24, 25 සහ 26 දිනවල පැවැත්වීමට නියමිතයි.
