පසුගිය දින කිහිපයේ සුළු මිල පහල යාමක් දක්නට ලැබුණු දේශීය බිත්තරයක මිල මේ වනවිට යළි ඉහළ ගොස් තිබෙනවා.
මේ වන විට දේශීය බිත්තරයක තොග මිල රුපියල් 50කට ආසන්න මිලක පවතින අතර එහි සිල්ලර මිල රුපියල් 55කට ආසන්නව පවතින බව සඳහන් වෙනවා.
කෙසේ වෙතත්, සමස්ත ලංකා බිත්තර නිෂ්පාදකයින්ගේ සංගමයේ භාණ්ඩාගාරික විජය අලිවිස් මහතා පැවසුවේ අතරමැදියන් විසින් මිල ඉහළ දැමීම සිදු කරන බවයි.
මේ අතර, බිත්තර මිල ඉහළ දැමීමට කටයුතු කළහොත් යළිත් වරක් ඉන්දියාවෙන් බිත්තර ගෙන්වීමට කටයුතු කරන බව වෙළද අමාත්‍ය නලීන් ප්‍රනාන්දු මහතා පවසනවා.
උත්සව සමයත් සමඟ ඉල්ලුම ඉහළ යාම, මෙලෙස බිත්තරයක මිල ඉහළ යාමට හේතු වී ඇති බවයි වෙළඳපොළ දත්ත පෙන්වා දෙන්නේ.
