එළඹෙන ජනාධිපතිවරණයේදී ශ්‍රී ලංකා නිදහස් පක්ෂය සහය ජනාධිපති රනිල් වික්‍රමසිංහ මහතාට පළ කරන බව එම පක්ෂය අද (31) නිවේදනය කළා.
2024 ජනාධිපතිවරණයේදී කුමන අපේක්ෂකයාට සහය පළ කරන්නේද යන්න සාකච්ඡා කිරීම සඳහා නිදහස් පක්ෂයේ දේශපාලන මණ්ඩලය හා මධ්‍යම කාරක සභාව රැස්වුණු අවස්ථාවේදී මෙම තීරණය ගෙන තිබුණා.
සහයෝගය දෙන ලෙස නිදහස් පක්ෂයෙන් ඉල්ලීමක් කර ඇත්තේ ජනාධිපති රනිල් වික්‍රමසිංහ මහතා පමණක් බව මෙහිදී අදහස් දැක්වූ පාර්ලිමේන්තු මන්ත්‍රී දුමින්ද දිසානායක මහතා ප්‍රකාශ කළා.
ඔහු තවදුරටත් සඳහන් කළේ, තම පක්ෂයේ යෝජනාවලිය රනිල් වික්‍රමසිංහ මහතාට ඉදිරිපත් කිරීමට කටයුතු කළ බවයි.
