මෙවර ජනාධිපතිවරණයේදි රනිල් වික්රමසිංහ මහතාට සහාය පළ කරන පක්ෂ සියල්ල එකතුව ගොඩනැගු “පොදුජන එක්සත් නිදහස් පෙරමුණ” එළිදැක්වීම අද (05) සිදුකෙරුණා.
ලංකා පොදුජන පෙරමුණ, මහජන එක්සත් පෙරමුණ, එක්සත් මහජන පක්ෂය, ඊළාම් ජනතා ප්රජාතන්ත්රවාදී පක්ෂය, තමිළ් මක්කල් විඩුදලෛප් පුළිකල් පක්ෂය, ජාතික කොංග්රසය, එක්සත් ජනතා පක්ෂය, ජාතික සමගි පෙරමුණ සහ දේශප්රේමි ජනතා බලවේගය යන පක්ෂ මෙම සන්ධානය සමඟ එක්වී තිබෙනවා.
සන්ධානය එළිදැක්වීමේ උත්සවය අද පෙරවරුවේ පැවැත්වුණේ බත්තරමුල්ල වෝටර් එජ් හෝටලයේදියි.
ඒ අග්රාමාත්ය දිනේෂ් ගුණවර්ධන මහතාගේ ප්රධානත්වයෙන්.
ඉන් අනතුරුව කුලසානය ලකුණනින් යුත් “පොදුජන එක්සත් නිදහස් පෙරමුණ” නමින් නව පෙරමුණ එළිදැක්වුණා.
එහි නායකත්වය අග්රාමාත්ය දිනේෂ් ගුණවර්ධන මහතා විසින් හොබවන අතර ලේකම් ලෙස අමාත්ය වෛද්ය රමේෂ් පතිරණ මහතා පත් කර තිබෙනවා.
