දරුවන් නිරන්තරයෙන් ගැවසෙන ස්ථානයක් වන සුපිරි වෙළෙඳසැල් තුළ සිගරට් සහ මත්පැන් අලෙවි කිරීම වහාම නතර කරන ලෙස මහජනතාවගෙන් දැඩි ඉල්ලීමක් මතුව තිබේ. දරුවන්ගේ අනාගතය සහ සෞඛ්යය කෙරෙහි සෘජුවම බලපෑම් කළ හැකි මෙම තත්ත්වය, බාල පරපුර මත්ද්රව්ය සහ දුම්පානයට ඇබ්බැහි වීම වැළැක්වීම සඳහා ගනු ලැබිය යුතු මූලික පියවරක් බව සමාජ ක්රියාකාරිකයින් පෙන්වා දෙයි.
මෙම ඉල්ලීම මගින් අවධාරණය කරන්නේ අලෙවිසල් තුළ සිගරට් සහ මත්පැන් ප්රදර්ශනය කිරීම සහ පහසුවෙන් ලබාගත හැකි ලෙස තැබීම, ළමුන් තුළ එම ද්රව්ය පිළිබඳ වැරදි ආකල්ප සහ කුතුහලයක් ජනනය කළ හැකි බවයි. රටේ අනාගත පරපුර දුම්කොළ සහ මත්පැන් වසංගතයෙන් බේරා ගැනීම සඳහා වෙළෙඳ ප්රතිපත්ති දැඩි කිරීමේ අවශ්යතාවය මෙහිදී මතු කෙරේ.
සෞඛ්යාරක්ෂිත රටක් ගොඩනැගීමට නම්, ළමයින්ට සහ තරුණයින්ට මත්ද්රව්ය, දුම්වැටි හෝ මත්පැන් දර්ශනය වන ස්ථානවලින් ඔවුන් ආරක්ෂා කළ යුතු බවට වගකිවයුතු පාර්ශ්ව වෙත පණිවිඩයක් නිකුත් කෙරේ.
