ජනාධිපතිවරණයට ඉදිරිපත්ව සිටින අපේක්ෂකයෙකු වෙනත් අපේක්ෂකයෙකු ප්රවර්ධනය කිරීම නීතිවිරෝධී බව මැතිවරණ කොමිෂන් සභාව පවසනවා.
නිවේදනයක් නිකුත් කරමින් එම කොමිෂන් සභාව මේ බව කියා සිටියා.
යම් අපේක්ෂකයෙකු ජනාධිපතිවරණය සඳහා නාම යෝජනා භාර දී ඇත්තේ තමන්ගේ ජයග්රහණය වෙනුවෙන් පමණක් බවයි මැතිවරණ කොමිෂන් සභාව පවසන්නේ.
එමෙන්ම අපේක්ෂකයින් වෙනත් අපේක්ෂකයෙකු ප්රවර්ධනය කිරීම සම්බන්ධයෙන් මේ වන විට පැමිණිලි ලැබී ඇති බවත් එහි සඳහන්ව තිබෙනවා.
ඒ අනුව මැතිවරණ කොමිෂන් සභාවේ උපදෙස්වලට පටහැනිව අනීතික ලෙස ප්රචාරක කටයුතු සිදු කරන්නේ නම් ප්රවර්ධනය සිදුකරනු ලබන අපේක්ෂකයාට මෙන්ම ප්රවර්ධනයට ලක්වන අපේක්ෂකයාටද මැතිවරණ නීති ප්රකාරව කටයුතු කරන බව මැතිවරණ කොමිසම පවසනවා.
