රංජන් රාමනායක මහතා නායකත්වය දරන එක්සත් ප්‍රජාතන්ත්‍රවාදී හඬ පක්ෂයේ මංගල සම්මේලනය ඊයේ (27) පස්වරුවේ සුගතදාස ගෘහස්ථ ක්‍රීඩාංගනයේ දී පැවැත්වුණා.
කෙසේවෙතත් මෙම සම්මේලනය අවසන් වීමෙන් පසු ඊට සහභාගී වු තරුණ තරුණියන් පිරිසක් චෝදනා කළේ රුපියල් 3,000 ක් ලබා දෙන බවට පවසා සම්මේලනයට කැඳවා තිබුණද සම්මේලනයෙන් පසු අදාළ මුදල ලබා නොදුන් බවයි.
එමෙන්ම ඔවුන්ට ප්‍රවාහන පහසුකම් ලබාදෙන බවට පැවසුවද එයද නොලැබුණු බව පවසමින් සමුලු‍වේ සංවිධායකයින් සහ තරුණ තරුණියන් පිරිස අතර නොසන්සුන්කාරි තත්ත්වයක් හටගෙන තිබුණා.
පසුව පොලීසිය මැදිහත් වී එම ස්ථානයේ රැඳි සිටි තරුණ තරුණියන් 200ක් පමණ ඔවුන්ගේ නවාතැන් වෙත පිටත් කර යවා තිබෙන බවට වාර්තා වනවා.
