සංසරණය වන මාධ්ය වාර්තා සම්බන්ධයෙන් ලාෆ් ගෑස් සමාගම නිවේනදයක් නිකුත් කර ඇත.
වර්තමානයේ ගෘහස්ත ගෑස් සිලින්ඩර හිඟයට ප්රධාන හේතුව වී ඇත්තේ හම්බන්තොට වරාය පරිශ්රයේ ස්ථාපිත කර ඇති මෙට්රික් ටොන් 30,000ක එල් පී ගෑස් ආනයන-අපනයන ගබඩා පර්යන්තය දේශීය සැපයුම සඳහා භාවිතා කිරීමට බලපා ඇති රෙගුලාසිමය සීමාවන් බව සඳහන් කරයි.
එම ගබඩා පර්යන්තය දේශීය මෙහෙයුම් සඳහා කඩිනමින් නිදහස් කරගැනීමට අවශ්ය නීතිමය කටයුතු වෙනුවෙන් අදාළ රජයේ බලධාරීන් සමඟ නිරන්තර සම්බන්ධීකරණ කටයුතු කරන බවද එම සමාගම සඳහන් කරයි.
දේශීය ගෘහස්ත එල් පී ගෑස් ඉල්ලුම සපුරාලීම සඳහා ජාත්යන්තර සැපයුම්කරුවන්ගෙන් ඍජුවම ගෑස් තොග කොළඹ වරාය හරහා මෙරටට ආනයනය කිරීමට අවශ්ය සැලසුම් මේ වනවිට සකස් කර ඇති බවද සඳහන් කරයි.
ගෑස් තොග කොළඹ වරායට ළඟා වූ වහාම සමාගමට අයත් සිලින්ඩර පිරවුම් පර්යන්තයේදී එම ගෑස් සිලින්ඩරගත කර, දිවයින පුරා අඛණ්ඩව බෙදාහැරීමට කටයුතු සූදානම් කර ඇති බවද එම සමාගම සඳහන් කරයි.
