ශ්රී ලංකා පොදුජන පෙරමුණේ දේශපාලන මණ්ඩලය කුමන තීරණයක් ගත්තද තමන් ජනාධිපති රනිල් වික්රමසිංහ මහතාට ඉදිරි ජනාධිපතිවරණයේ දී සහාය පළකරන බව රාජ්ය අමාත්ය ප්රමිත බණ්ඩාර තෙන්නකෝන් මහතා පවසනවා.
සිය එක්ස් ගිණුමේ සටහනක් තබමින් ප්රමිත බණ්ඩාර තෙන්නකෝන් මහතා පෙන්වා දෙන්නේ, රට බේරාගත් ජනාධිපතිවරයාට ඉදිරියේ දීත් සහායෝගය ලබාදෙන බවයි.
මේ අතර, රාජ්ය අමාත්ය ෂෙහාන් සේමසිංහ මහතා ද ජනාධිපති රනිල් වික්රමසිංහ මහතාට සහාය පළකරන බව ප්රකාශ කර තිබෙනවා.
මීට අමතරව, ඉදිරි මැතිවරණයේදී රනිල් වික්රමසිංහ මහතාට තම සහය පළ කිරීමට පොදුජන පෙරමුණේ මන්ත්රීවරු පිරිසක් හා ජනාධිපතිවරයා අතර ඊයේ (29) කොළඔ මල්පාරේ පිහිටි එක්සත් ජාතික පක්ෂ මෙහෙයුම් කාර්යාලයේදී පැවති සාකච්ඡාවකින් අනතුරුව එකඟතාවයකට පැමිණ තිබුණා.
මෙම සාකච්ඡාව සඳහා අජිත් රාජපක්ෂ, ගාමිණී වලේබොඩ, ප්රේම්නාත්සී.දොළවත්ත, මහින්දානන්ද අලුත්ගමගේ, දිලුම් අමුණුගම, කාංචන විජේසේකර, එස්.බී දිසානායක ,ලොහාන් රත්වත්තේ,ගීතා කුමාරසිංහ සහ අලි සබ්රි ඇතුළු විශාල මන්ත්රීවරු පිරිසක් එක්ව සිටියා.
තවද පොහොට්ටුවේ සහාය ලබාගැනීම සඳහා උත්සාහ කරන බවද මන්ත්රීවරු එහිදී වැඩිදුරටත් පවසා තිබෙනවා.
