ශ්‍රී ලංකා නිදහස් පක්ෂ නව සභාපති අමාත්‍ය විජයදාස රාජපක්ෂ මහතාට පක්ෂයේ කටයුතු කිරීමට බාධා කිරීම වළක්වාලමින් කඩුවෙල දිසා අධිකරණයෙන් වාරණ නියෝගයක් නිකුත් කර තීනවා.
අදාළ නියෝගයට අනුව, ඊයේ (12) දින විධායක සභාව රැස්වී සිදුකළ නව පත්වීම්වලට අදාළව පක්ෂ වැඩබලන මහලේකම් නීතිඥ කීර්ති උඩවත්ත මහතා සහ දේශපාලන මණ්ඩලයට ද සිය කටයුතු කරගෙන යාමට බාධා කිරීම වළක්වා තිබෙනවා.
ඉසුරු අබේවර්ධන සහ සුමිත් විජයමුණි ද සොයිසා යන ශ්‍රී ලංකා නිදහස් පක්ෂ ඇතුළු විධායක කාරක සභිකයින් දෙදෙනා විසින් විත්තිකරුවන් 20 දෙනෙකු නම් කර තිබූ නඩුවක් අද (13) කැඳවු අවස්ථාවේ අධිකරණය මෙම වාරණ නියෝග නිකුත් කළා.
