මැතිවරණ අත්පත්රිකා ගෙන් ගෙට බෙදා හැරීම සඳහා පෙරහැර හෝ පෙළපාලි ආකාරයට ජන සමූහ ලෙස ගමන් කිරීම තහනම් කර තිබෙනවා.
මැතිවරණ කොමිෂන් සභාව පවසන්නේ, එලෙස කටයුතු කරන්නන්ට එරෙහිව නීතිය ක්රියාත්මක කරන බවයි.
අත්පත්රිකා බෙදා හැරීමේදී සංගීත වාදන සහ ප්රදර්ශන පුවරු යොදා නොගත යුතු බවද මැතිවරණ කොමිෂන් සභාව සියලු පක්ෂවලට දැනුම්දී තිබෙනවා.
තවද මැතිවරණ සමයේදී දේශපාලන පුවත් හා ලිපි හෝ දැන්වීම් අතිරේක යනාදිය රජයේ හෝ රජයේ ආයතනවල වියදමින් පළ නොකරන ලෙසද දැනුම්දී ඇති බව මැතිවරණ කොමිෂන් සභාව පවසනවා.
රජයේ නිලධාරීන් මැතිවරණ ප්රචාරණ කටයුතු සඳහා යොදා ගැනීමෙන් වැළකිය යුතු බවත් රජයේ කාර්යාල පාසල් ආදී කිසිදු ආයතනයක හෝ එම පරිශ්රයන්හි ඡන්ද ආයාචනා කිරීම, අත්පත්රිකා බෙදා හැරීම, ප්රදර්ශන පුවරු හෝ දැන්වීම් ප්රදර්ශනය කිරීම නොකළ යුතු බව කොමිසමේ නිලධාරියෙක් වැඩිදුරටත් පැවසුවා.
