පොදුජන ප්රගතිශීලී සේවක සංගමයේ ලේකම් බන්දුල සමන් කුමාර මහතා පවසන්නේ, වත්මන් ආණ්ඩුව වෘත්තිය සමිති ක්ෂේත්රයේ දේශපාලන පලිගැනීම් ආරම්භ කර ඇති බවයි.
ආණ්ඩුව විසින්, රාජ්ය ඉන්ජිනේරු නිර්මාණ නීතිගත සංස්ථාව, විදේශ සේවා නියුක්ති කාර්යාංශය ඇතුළු රාජ්ය ආයතන කිහිපයකම වෘත්තිය ශාඛා සමිති නායකයන් අහේතුකව ස්ථාන මාරු කර ඇති බවත් ඉදිරියේදී ඊට එරෙහිව නීතිමය පියවර ගැනීමට සූදානම් බවත් ලේකම්වරයා පවසයි.
එමෙන්ම තවත් ආයතන බොහොමයක කාර්යාල පවත්වාගෙන යෑමට නොහැකි තත්ත්වයට වෘත්තිය සමිති කාර්යාල වසා දමා ඇති බව ත් මේ ප්රශ්න නීති හමුවට නොගොස් විසඳා ගැනීමට තවමත් උත්සාහ කරන බව ලේකම්වරයා පැවසීය.
වෘත්තිය සමිතිවලට සවන් දෙන ආණ්ඩුවක් නම් දැන්ම එම පියවර නතර කර සාකච්ඡාවට කැප විය යුතු අතර එවැනි ප්රජාතන්ත්රවාදී සාකච්ඡාවකට වෘත්තිය සමිති ද සූදානම් බව ලේකම්වරයා අවධාරණය කළේය.
පොදු ජන ප්රගතිශීලී සේවක සංගමය යනු ගැටුම් ඇති කරගැනීමට කැමති වෘත්තීය සමිතියක් නොවන අතර වත්මන් ආණ්ඩුවේ තනතුරුවලට පත් වෘත්තිය සමිති නායකයන් ඒ බව හොඳින් ම දන්නේ යැයි ඔහු අවධාරණය කළේය.
ලේකම්වරයා වැඩිදුරටත් පැවසූවේ, ළදරු ආණ්ඩුවක් වුවද වෘත්තිය සමිති මර්දනයට සූදානම් වන්නේ නම් ඊට එරෙහිව වෘත්තිය සමිති පියවරට යෑමට වුව පොදුජන ප්රගතිශීලී සේවක සංගමය පසුබට නොවන බවයි.
