ප්රධාන පාසලක ගුරුවරියකගේ මුහුණ නිරුවත් ඡායාරූපයකට බද්ධ කර සංස්කරණය කරන ලද ඡායාරූපයක් අන්තර්ජාලය වෙත මුදාහරින ලද බවට සැක කෙරෙන එම පාසලේම සිසුන් දෙදෙනෙකු මාතලේ පොලිසිය විසින් අද (12) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මාතලේ නගරයේ ප්රධාන මිශ්ර පාසලක 10 ශ්රේණියේ ඉගෙනුම ලබන මාතලේ හුලංගමුව හා වාරියපොළ ප්රදේශයන්හි පදිංචි සිසුන් දෙදෙනෙක්.
අදාළ ගුරුවරිය පොල්ගොල්ල මහවැලි අධ්යාපන විද්යා පීඨයේ සිට වසරක සීමාවාසික පුහුණුව සඳහා මාතලේ විද්යාලයක නැටුම් ගුරුවරියක ලෙස සේවයට පැමිණ ඇති අතර, ඇය නිට්ටඹුව, වේයන්ගොඩ ප්රදේශයේ පදිංචිකාරිනියක්.
අදාළ ගුරුවරියගේ මුහුණු කොටස නිරුවත් ඡායාරූපයකට බද්ධ කර සංස්කරණය කරන ලද ඡායාරූපයක් අන්තර්ජාලය ඔස්සේ මුහුණු පොතට මුදා හැර ඇති බවට ගුරුවරිය විසින් මාතලේ පොලිසිය වෙත පැමිණිල්ලක් ඉදිරිපත් කර ඇති අතර, ඒ අනුව ක්රියාත්මක වූ මාතලේ පොලිස් කණ්ඩායමක් විසින් අදාළ සැකකාර පාසල් සිසුන් දෙදෙනා පොලිස් භාරයට ගෙන තිබෙනවා.
පොලිස් භාරයට ගෙන ඇති පාසල් සිසුන් දෙදෙනා මාතලේ පරිවාස කාර්යාලය වෙත යොමු කර පරිවාස වාර්තා සමඟ මාතලේ අධිකරණයට ඉදිරිපත් කිරීමට නියමිතයි.
