පොලිස්පතිවරයා සම්බන්ධයෙන් ශ්රේෂ්ඨාධිකරණය දුන් තීන්දුවේ නීතිමය කරුණු සම්බන්ධයෙන් ගැඹුරින් අධ්යයනය කර ඉදිරි දින දෙක තුළදී ඇමති මණ්ඩලයේ ප්රතිචාරය ප්රකාශ කිරීමට අද (24) රැස්වූ අමාත්ය මණ්ඩලය තීරණය කළා.
ජනාධිපති රනිල් වික්රමසිංහගේ ප්රධානත්වයෙන් කොළඹ ජනාධිපති ලේකම් කාර්යාලයේදී මෙම විශේෂ අමාත්ය මණ්ඩල රැස්වීම අද සවස පැවැත්වුණා.
පොලිස්පතිවරයා සම්බන්ධයෙන් ශ්රේෂ්ඨාධිකරණ තීන්දුව ගැන එම කැබිනට් මණ්ඩල රැස්වීමේදී අදහස් හුවමාරු වූ අතර එම තීන්දුවේ නීති ගැටලු රැසක් පවතින බව කැබිනට් රැස්වීමේදී ප්රකාශ වුණා.
එම තත්ත්වය යටතේ ශ්රේෂ්ඨාධිකරණ තීන්දුවේ පවතින නීතිමය ගැටලු ගැන අමාත්ය මණ්ඩල ප්රතිචාරය දැක්වීම ගැඹුරු ලෙස කරුණු අධ්යයනය කිරීමෙන් පසුව ඉදිරි දින දෙක තුළදී ප්රකාශයට පත් කිරීමටද තීරණය කෙරුණා.
පොලිස්පති සම්බන්ධයෙන් ශ්රේෂ්ඨාධිකරණ තීන්දුව අමාත්ය මණ්ඩලය වෙත ලැබුණේ අද පස්වරුවේ බැවින් ඊට අදාළ නීති ගැටලු සම්බන්ධයෙන් ගැඹුරු අධ්යයනයක් කිරීමට කාලය අවශ්ය බව අමාත්ය මණ්ඩලයේ මතය වි තිබුණා.
ඒ අනුව මීට අදාළ අමාත්ය මණ්ඩලයේ ප්රතිචාරය ඉදිරි දින දෙක තුළ ප්රකාශ කිරීම වඩාත් සුදුසු බව අමාත්ය මණ්ඩලයේ ඒකමතික තීරණය කර තිබෙනවා.
