නාවික හමුදාවේ උසස් නිලධාරිනියකට සහ සාමාන්ය සෙබළියකට වට්සැප් තාක්ෂණය ඔස්සේ අසභ්ය දර්ශන යොමු කර ලිංගික ක්රියාවන් සඳහා ඇරයුම් කර තර්ජනය කළ හිටපු නාවික සෙබළුකු අත්අඩංගුවට ගත් බව පරිගණක අපරාධ කොට්ඨාසය පවසනවා.
සැකකරු එම ක්රියාව සඳහා යොදාගත් ජංගම දුරකථනයද පොලිස් භාරයට ගෙන තිබුණා.
පොලිසිය පවසන්නේ, නාඳුනන පුද්ගලයකුගෙන් ලිංගික ක්රියාවන් ඇතුලත් දර්ශන වට්සැප් තාක්ෂණය ඔස්සේ තම ජංගම දුරකථනයට යොමු කර ලිංගික ක්රියාකාරකම් සඳහා ඇරයුම් කරන බව නාවික හමුදාවේ සාමාන්ය සෙබළියක් පරිගණක අපරාධ කොට්ඨාසය වෙත පැමිණිල්ලක් ලැබී තිබූ බවයි.
එහි උසස් තනතුරක් දැරූ නිලධාරිනියක් තමන් සමීපව ඇසුරු කර ඉවත්වූ නාවික හමුදා සෙබලෙකු තමන්ගේ නිරුවත් දර්ශන පුද්ගලයන් කිහිපදෙනෙකු වෙත වට්සැප් තාක්ෂණය ඔස්සේ යොමු කර ඇති බවත්, ඔහු එම දර්ශන තවත් පුද්ගලයන්ට යොමු කරන බවට තර්ජනය කරන බවත්, පවසමින් පැමිණිල්ලක් කර තිබූ බව පොලිසිය සඳහන් කරනවා.
අදාළ පැමිණිලි සම්බන්ධයෙන් නවීන තාක්ෂණය ඔස්සේ සිදුකළ විමර්ශනවලදී මෙම ක්රියාකාරකම් දෙකම දකුණු පළාතේ පදිංචි එකම පුද්ගලයකු කරන බවට අනාවරණය වීමෙන් අනතුරුව සැකකරු පදිංචි ස්ථානය සොයාගෙන බලපිටිය ප්රදේශයේදී සැකකරු අත්අඩංගුවට ගත් බව පොලිසිය පවසනවා.
