ජනාධිපති රනිල් වික්රමසිංහ මහතා අද (09) උදෑසන ඉන්දියාව බලා පිටත්ව ගොස් තිබෙනවා.
ඒ, නරේන්ද්ර මෝදි තුන්වැනි වරටත් ඉන්දීය අග්රාමාත්ය ධුරයේ දිවුරුම් දීමේ පදවි ප්රාප්ති උත්සවයට සහභාගීවීම සඳහායි.
ඉන්දීය රජය කළ නිල ආරාධනයකට අනුව ජනාධිපතිවරයා එම උත්සවයට එක්වනු ලබනවා.
දිවුරුම් දීමේ උත්සවය, අද පස්වරුවේ පැවැත්වෙන්නේ රාෂ්ට්රපති භවන්හිදීයි.
ඒ සඳහා ශ්රී ලංකාවට අමතරව බංග්ලාදේශය, මාලදිවයින, සීෂෙල්ස්, භූතානය, නේපාලය සහ මුරුසි යන රටවල රාජ්ය නායකයින්ගේ පැමිණීම තහවුරු කර තිබෙනවා.
නරේන්ද්ර මෝදි, තුන්වැනි වරටත් ඉන්දීය අග්රාමාත්ය ධුරයට පත්වූයේ පසුගියදා පැවති මහ මැතිවරණයෙන් 54.2% ක ඡන්ද ප්රතිශතයක් ලබා ගනිමින්.
Comments
