නැගෙනහිර නෙදර්ලන්තයේ Ede නගරයේ හි පිහිටි රාත්‍රී සමාජ ශාලාවක පුද්ගලයින් කිහිප දෙනෙකු ප්‍රාණ ඇපකරුවන් ලෙස රඳවාගෙන සිටින අතර ප්‍රදේශයේ නිවාස වලින් ජනතාව ඉවත් කර ඇති බව විදෙස් මාධ්‍ය පවසනවා.
නමුත් ඊට ත්‍රස්තවාදී අරමුණක් පිළිබඳ කිසිදු හෝඩුවාවක් නොමැති බවයි ඔවුන් පවසන්නේ.
නගර මධ්‍යයේ පිහිටි ගොඩනැගිල්ලක් වූ එම ස්ථානයට විශේෂ පොලිස් ඒකක කිහිපයක් යොදවා ඇති අතර, ප්‍රදේශයේ නිවාස 150 කින් පමණ ජනතාව ඉවත් කර ඇති බවත් එම ප්‍රදේශයෙන් ඉවත්ව සිටින ලෙස මහජනතාවගෙන් ඉල්ලා සිටින බවත් ඔවුන් වැඩිදුරටත් දැනුම්දෙනවා.
එම රාත්‍රී සමාජ ශාලාවේ ආයුධ සහ පුපුරණ ද්‍රව්‍ය සහිත පුද්ගලයෙකු විසින් මිනිසුන් රඳවාගෙන සිටි බව ජාතික පුවත්පතක් වන ඩි ටෙලිග්‍රාෆ් නිර්නාමික මූලාශ්‍ර කිහිපයක් උපුටා දක්වමින් විදෙස් මාධ්‍ය වාර්තා කරන අතර Ede වෙත සහ ඉන් පිටතට යන දුම්රිය අවලංගු කර ඇති බව සඳහන් වනවා.
