ජාතික සංවර්ධන බැංකුව (NDB) තුළ සිදුවූ බවට සැකකෙරෙන මූල්ය වංචාවක් සම්බන්ධයෙන් ඉන්දීය ‘ඩෙලොයිට් ටූෂ් ටෝමාට්සු’ (Deloitte Touche Tohmatsu India LLP) ආයතනය විසින් සිදුකරනු ලැබූ වෝහාරික සමාලෝචනයේ අතුරු වාර්තාව එම බැංකුව වෙත ලැබී තිබේ.
මෙම විගණනයට අනුව අදාළ සැකකටයුතු ගනුදෙනුවල සමස්ත වටිනාකම රුපියල් 13,579,664,684 ක් හෙවත් රුපියල් බිලියන 13.5කට අධික මුදලක් ලෙස හෙළිදරව් වී ඇති බව බැංකුව විසින් නිල වශයෙන් තහවුරු කරනු ලැබීය.
එම වාර්තාවේ අඩංගු කරුණු මූලික සහ දර්ශක මට්ටමේ පවතින බව පවසන බැංකු පරිපාලනය, අදාළ වාර්තාවේ රහස්යභාවය ගිවිසුම්ගත කොන්දේසිවලට අනුකූලව ආරක්ෂා කරන බව වැඩිදුරටත් සඳහන් කරයි.
මීට පෙර අප්රේල් මස 2, 6 සහ 23 යන දිනවලදී ද මෙම සිද්ධිය සම්බන්ධයෙන් කොටස් වෙළඳපොළ වෙත තොරතුරු වාර්තා කිරීමට බැංකුව කටයුතු කර තිබූ අතර, වත්මන් හෙළිදරව්ව මූල්ය ක්ෂේත්රයේ බරපතල කතාබහකට ලක්ව ඇති කරුණක් බවට පත්ව ඇත.
මෙම සිදුවීම සම්බන්ධයෙන් ඉදිරියේදී අවශ්ය පරිදි වැඩිදුර තොරතුරු සහ පියවරයන් පිළිබඳව දැනුම් දෙන බව NDB බැංකුව අවධාරණය කරයි. මෙවැනි මූල්ය විෂමාචාර පිළිබඳ වාර්තා මගින් බැංකු පද්ධතියේ විශ්වාසනීයත්වය සහ අභ්යන්තර පාලන තන්ත්රයන්ගේ කාර්යක්ෂමතාව පිළිබඳව ගැඹුරු සමාජීය සහ ආර්ථික විග්රහයන් මතු වන බැවින්, නියාමන ආයතනවල මැදිහත්වීම සහ පරීක්ෂණවල ඉදිරි ප්රගතිය කෙරෙහි ආයෝජකයන්ගේ සහ මහජනතාවගේ දැඩි අවධානය යොමුව තිබේ.
