රටේ සියලු දෙනාට බියෙන් සැකයෙන් තොරව ජීවත් වීමට සුදුසු පරිසරයක් අවශ්ය බැවින් මුස්ලිම් ප්රජාව ජනාධිපති රනිල් වික්රමසිංහ මහතාට සහය පල කරන බව මුස්ලිම් මන්ත්රීවරුන් පවසනවා.
කොළඹ පැවති පුළුවන් ශ්රී ලංකා මාධ්ය හමුවට එක්වෙමින් අමාත්ය අලි සබ්රි මහතා සඳහන් කලේ මෙවර ජනාධිපතිවරණයේදී මුස්ලිම් ප්රජාවගෙන් 60% ජනාධිපතිවරයාට ඡන්දය ප්රකාශ කරන බවයි.
මෙහිදී වැඩිදුරටත් අදහස් දැක් වූ අමාත්ය අලී සබ්රි මහතා,
“එළඹෙන ජනාධිපතිවරණය තීරණාත්මක මැතිවරණයක්. මේ මැතිවරණයේදී මුස්ලිම් ජනතාව හා මුස්ලිම් ප්රජාව ඔවුන්ගේ සිතුම් පැතුම් හා අපේක්ෂා පිළිබඳවත්, රනිල් වික්රමසිංහ මැතිතුමා අද වෙනතුරු ගෙන ගිය වැඩසටහන පිළිබඳවත් විශ්වාසය තබනවා. විශේෂයෙන්ම අපි ඉතාමත්ම සන්තෝෂ වෙනවා මේ මැතිවරණය පහුගිය මැතිවරණ වලට සාපේක්ෂව මිනිස්සු ජාති, ආගම් ගැන මහ ලොකුවට කතා කරන්නේ නෑ. හැමදෙනාම බලාපොරොත්තුවෙන්නේ සියලුම ශ්රී ලාංකිකයන් සාමයෙන් සමෘද්ධියෙන් ජීවත් වෙන්න පුළුවන් වටපිටාවක් නිර්මාණය කර ගැනීමයි.”
