2024 ජනාධිපතිවරණය සඳහා මේ වනවිට අපේක්ෂකයින් 04 දෙනෙකු ඇප මුදල් තැම්පත් කර ඇති බව මැතිවරණ කොමිෂන් සභාව නිවේදනය කරනු ලබනවා.
එහිදී නිවේදනයක් නිකුත් කරමින් සඳහන් කර ඇත්තේ, ජනපති රනිල් වික්‍රමසිංහ ස්වාධීන අපේක්ෂකයෙකු ලෙසත්, සරත් කීර්තිරත්න ස්වාධීන අපේක්ෂකයෙකු ලෙසත් ඇප මුදල් තැම්පත් කර ඇති බවයි.
එමෙන්ම, අහිනව නිවහල් පෙරමුණ නියෝජනය කරමින් ජනපති අපේක්ෂකයා ලෙස ඕෂල ලක්මාල් අනිල් හේරත්ද, ශ්‍රී ලංකා කම්කරු පක්ෂය වෙනුවෙන් ඒ. එස්. පී. ලියනගේද ඇප මුදල් තැන්පත් කර තිබෙනවා.
මෙරට විධායක ජනාධිපතිවරයා තෝරාපත් කර ගැනීමේ ඡන්ද විමසුම හෙවත් 2024 ජනාධිපතිවරණය සැප්තැම්බර් මස 21 වැනි දින සිදුකරන බවට මැතිවරණ කොමිසම නිල වශයෙන් අද (26) ගැසට් නිවේදනයක් මගින් නිවේදනය කරනු ලැබුවා.
මෙවන් වටපිටාවක් තුළ ආණ්ඩු පක්ෂය වන ශ්‍රී ලංකා පොදුජන පෙරමුණ තම අපේක්ෂකයා සම්බන්ධයෙන් වන අවසන් තීරණය එළඹෙන සඳුදා දින රැස්වී තීරණය කරන බවයි පක්ෂයේ අභ්‍යන්තර ආරංචි මාර්ග සඳහන් කළේ.
